《超越施丹 你就是你本身的传奇

  • 2020-05-28
  • 102
《原创文章 欢迎转载 请列明出处 谢谢》-请支持蓝狮 Facebook专页-《超越施丹 你就是你本身的传奇 按此观看图片 .图片来源 : Goal.com长达十场国际赛既入球荒,最终靠着对荷兰既欧洲国家联赛赛事中一球窝利,不经不觉基奥特以32个入球超越施丹成为法国队射手榜第4位,相比于另一位法国传奇射手查斯古特就只净低2球距离。身为法国国家队既正选9号前锋,成日比人瑘瑜射波无脚準,简单波永远唔识入,你又有冇谂过佢未来或会成为会成为法国史上头三射手?如果你单睇基奥特喺岩岩哩届世界盃既表现,以数据论黎讲可以话绝对唔合格,由分组赛至决赛果六场波,交出既就只有一个助攻,身为射手连一个入球都无,亦比人笑佢碌碌无为。而言查实基奥特好清楚自己喺国家队中既位置,身处于平均年龄相对低既法国队,以速度黎讲佢唔会够班后生仔跑得快,以灵活度黎讲佢亦唔会有班后生仔咁敏捷,既然係咁,就唯有专心一意地去做一个「绿叶」前锋。成日听柱趸中锋哩个名,但唔係所有高大既前锋就叫做柱趸中锋,基奥特就做一个较为另类既演绎,不惜牺牲体力由前线走到后场帮忙防守,不惜牺牲前锋的入球数字为队友开山劈石顶波开路,不惜牺牲去做一个起脚机会比队友少的法国9号,透过走动不断窜扰、牵制对方后卫,拉出更多空间比队友突破製造进攻机会,己队开出龙门球时能够作支点争顶,多次成功停波并二传比队友,听落好简单既野,又其实当今球坛又有几多个前锋可以做得到同时又可以做得好?基奥特并没有基沙文在马体会拍档迪亚高哥斯达既前线全能性,亦没有麦巴比在巴黎圣日门拍档卡云尼既埋门把握力,更没有丹比利在巴塞拍档苏亚雷斯对入球的渴望,但基奥特话比全世界听,唔需要多产量,唔需要世界级,更唔需要比较。因为基奥特,你就是你本身的传奇。文章最后更新时间 : 12/09/2018 14:15《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇: